رياضة | الثلاثاء 4 أكتوبر 2016 - 16:01
الداودي اختار الدفاع على البام وورط الوداد مع الجرار
الوداديون غادي يطلع ليهم الدم اكثر. ماشي حقاش لاول مرة فتاريخ هاد النادي يجي رئيس اسمه سعيد الناصري وورطهم فاللعبة السياسية بالمغرب ويترشح مع الاصالة والمعاصرة فقلعة الجمهور الاحمر انفا بالدار البيضاء بل حتى توريط نجوم ديما كانوا على حياد من الاحزاب السياسية وينخرطو فالحملة.
رشيد الداودي نجم الوداد والمنتخب المغربي سابقا دار دويرة مع الناصري فالدائرة باش عل وعسى يصوتو عليه. المشكلة عادية ان يكون الداودي كيدافع على شي حزب ولكن معروف على الوداديين راه فاحلك فترات تاريخ المغرب كان الوداد البيضاوي بعيد على السياسة. الرجا ديما حكموها صحاب البصري والحزب المقرب منو والبصري ما عمرو قدر يدخل للقلعة الحمرا. دابا مع الانفتاح وشوية الديموقراطية والحرية ولات الوداد متحزبة. هادا خطا ما غادي يقبلو حتى شي ودادي
